Sjukepleiarar

Om stillingen

Medisinsk sengepost 1 ved Førde sentralsjukehus søkjer sjukepleiarar til 100% vikariat.
Vi ønskjer å kome i kontakt med deg som har fagleg engasjement og ønskje om å bidra til god kvalitet i tenestene våre.

Medisinsk sengepost 1 held til i eit nytt og moderne sjukehus, og har nyre-, diabetes- og endokrinologiske sjukdommar samt hjartesjukdommar som sine spesialiserte fagområde. Hos oss får du ein variert og spennande arbeidskvardag saman med engasjerte og kompetente kollegaer som samarbeider tett og støttar kvarandre. Vi legg vekt på fagleg utvikling, kunnskapsdeling og eit godt arbeidsmiljø, og gir deg gode moglegheiter til å utvikle kompetansen din og få brei klinisk erfaring.

Vi lyser ut: 

• 2 vikariat opp til 100% med 1 år lengde, med moglegheit for forlenging.

Arbeidsoppgåver

Som sjukepleiar vil du møte både akutt og kronisk sjuke pasientar med eit breitt spekter av sjukdomsbilete. Mange av pasientane er eldre og har samansette helseutfordringar. Arbeidet omfattar pasientnær oppfølging, behandling, observasjon, stell og pleie. Stillinga inngår i tredelt turnus, og det er ein føresetnad at du kan arbeide i denne turnusordninga.

Arbeidet er tverrfagleg, og du samarbeider tett med både pårørande og primærhelsetenesta for å sikre heilskapleg pasientoppfølging. I det tverrfaglege teamet samarbeider du mellom anna med lege, fysioterapeut, ergoterapeut og apotekpersonell. Dokumentasjon i DIPS og Meona er ein naturleg del av det daglege arbeidet.

Kvalifikasjonar

• Søkjar må vere autorisert sjukepleiar.
• Søker med relevant erfaring vil bli prioritert.
• Du må kunne handtere bruk av PC med tilhøyrande program. Det vert gitt opplæring i sjølve programma vi brukar.
• Søkjar må mestre godt norsk, både skriftleg og munnleg.

Personlege eigenskapar

• Vi ser etter ein engasjert og motivert sjukepleiar som ønskjer å ta del i ein hektisk kvardag med mange varierte problemstillingar.
• Det er viktig at du kan arbeide både sjølvstendig og i team. Ei av våre styrker er at vi er ei inkluderande gruppe som hjelper kvarandre og har lav terskel for å stille spørsmål.
• Fagleg utvikling, evne til fleksibilitet og omstilling er eigenskapar som er viktige hos oss.

Vi tilbyr

• God opplæring gjennom ei fadderordning med trygge rammer.
• Eit fagleg utviklande arbeidsmiljø med fokus på organisasjonsutvikling og kontinuerleg forbetring av tenestene våre.
• Moglegheit til å vere med og bidra til å utvikle eit nytt og betre sjukehus for både pasientar og tilsette.
• Eit inkluderande arbeidsmiljø med fokus på sosial tilhøyrsle og trivsel, mellom anna gjennom årlege sosiale treffpunkt.
• Moglegheit for langvakter i helg for dei som ønskjer det.

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Arbeidsstad

Nøkkelinformasjon: