Konsulent kontoradministrasjon

Om stillingen

Tussa søkjer ein positiv, serviceinnstilt og strukturert konsulent til kontoradministrasjonen. Stillinga er eit sentralt kontaktpunkt i Tussa og omfattar ansvar for sentralbord og resepsjon, i tillegg til oppgåver innan arkiv, dokumenthandtering, kommunikasjon og administrativ støtte.  

Kontoradministrasjonen har fem medarbeidarar og er ein del av kommunikasjonsavdelinga i Tussa Kraft. 

Tussa Kraft er morselskapet i Tussakonsernet og yter tenester innan økonomi, finans, innkjøp, berekraft, lønn/personal/HMS, kontoradministrasjon og kommunikasjon til dotterselskapa. Tussa Kraft har hovudkontor i Hovdebygda i Ørsta kommune, og har 22 faste tilsette.

Vi ser etter deg som: 

• Har godt humør og yter god service
• Er strukturert, nøyaktig og sjølvstendig
• Trivst med mykje kontakt med kundar, besøkjande og kollegaer
• Har god digital forståing og lett for å lære nye system
• Har interesse for arkiv- og dokumenthandtering
• Har særs gode nynorskkunnskapar og sans for godt språk
• Er fleksibel og samarbeidsorientert

Som konsulent hos oss vil du mellom anna:

• Ha ansvar for sentralbordet i Tussa
• Bemanne og vidareutvikle resepsjonstenesta på Tussatun
• Ta imot kundar, gjestar og samarbeidspartnarar
• Handtere post og besøksrutinar
• Arkivere, journalføre og handtere dokument
• Medverke i førebuing og koordinering av styresaker
• Lese korrektur og kvalitetssikre dokument
• Bidra til at Tussa nyttar nynorsk på ein korrekt og profesjonell måte
• Yte brukarstøtte og administrativ støtte til organisasjonen
• Ha ansvar for innkjøp og lagerhald av profilartiklar
• Bidra i sponsorarbeid og koordinering av sponsoraktivitetar
• Oppdatere innhald på Tussa sitt intranett
• Utføre andre administrative oppgåver etter behov

Vi ønskjer at du har: 

• Utdanning innan kontorfag, service eller liknande
• Erfaring frå resepsjon, sentralbord, arkiv, kundeservice eller administrative oppgåver
• Gode IT-kunnskapar
• God skriftleg og munnleg framstillingsevne på nynorsk

Erfaring med Acos Websak+ er ein fordel, men ikkje eit krav. Relevant erfaring kan kompensere for manglande utdanning. Personlege eigenskapar vil bli vektlagt. 

• Ein variert og sosial jobb i eit framtidsretta konsern
• Godt arbeidsmiljø med dyktige og hjelpsame kollegaer
• Gode utviklingsmoglegheiter
• Konkurransedyktige vilkår