Musikk- og Kulturskulelærar 100%

Om stillingen

Brenn du for kultur, samspel og eit skikkeleg godt arbeidsmiljø?

No har vi ei unik 100 % kulturstilling ledig!

Bykle kulturskule er ein liten, men svært aktiv og pulserande kulturskule. Hos oss er vi ikkje berre ein skule; vi er eit viktig musikk- og kompetansesenter for heile bygda.  No ser vi etter ny musikk- og kulturskulelærarar som vil vere med på laget vårt.

Hos oss får kvar enkelt medarbeidar det spelerommet som skal til for å skape magi, både i og utanfor kulturskulen. Vi har eit arbeidsmiljø med stor takhøgd, der det er rom for å forme eigen arbeidskvardag og ta aktivt del i å utvikle kulturlivet i kommunen

Eit bankande hjarte for samspel:
Vi har fire lærarstillingar der alle jobbar sjølvstendig med sin spisskompetanse, men det er når vi speler saman at det verkeleg svingar! Samspel og tverrfagleg samarbeid er ei heilt essensiell brikke i undervisninga og i tilbodet vårt. Under eininga Kultur og fritid ligg Bykle kulturskule, bibliotek, Ung Kultur, frivilligsentral og kulturhus.

Vi ser etter deg som vil vere ein engasjert pådrivar i laget, slik at elevane våre får oppleve gleda av å skape noko stort i fellesskap.

Arbeidsoppgaver

Undervisning og formidling

• Gjennomføre individuell instrumentopplæring og gruppeundervisning/band i kulturskulen (særleg ynskjeleg med kompetanse innan gitar, bass eller slagverk)
• Ha musikkundervisning i barne- og ungdomsskulen
• Lede musikkleik i barnehagane og/eller på SFO/skulen
• Bidra med anna undervisning ut ifrå din kompetanse, for å skape breidde i tilbodet vårt.

Arrangement og utvikling

• Ha rolla som konsertplanleggar for kulturskulen sine arrangement
• Vere lydteknikar ved mindre arrangement for kultur og skule
• Bidra med praktisk arbeid og rekruttering inn mot UKM
• Ta eigarskap til og vidareutvikle kulturskulen sitt samla tilbod, både sjølvstendig og i samarbeid med kollegaer
  

Ungdomsarbeid og anna

• Ta del i fritidsklubben for mellomtrinn og ungdomsskule, der du brukar band og musikk for å engasjere og skape aktivitet.
  
• Andre relevante oppgåver delegert frå leiar kan kome.
  

Kvalifikasjoner

• Minimum treårig relevant utdanning frå høgskule eller universitet
• Gode faglege og pedagogiske evner.
• Eit ekte hjarte for målgruppa: Du må trivast med, og ha ei genuin interesse for å jobbe for og med barn og unge. Erfaring frå slikt arbeid tel positivt.
• Trygg på bruk av digitale verktøy i arbeidskvardagen.
• Tydeleg og god kommunikasjon på norsk, både munnleg og skriftleg.
• Du har førarkort klasse B og disponerer eigen bil (dette er eit absolutt krav for stillinga på grunn av køyring mellom undervisningsstadane).
• Godkjend politiattest, ikkje eldre enn tre månadar, må leggjast fram før tiltreding.

Personlige egenskaper

• Har stort engasjement for elevane si læring og utvikling
• Skapar eit trygt og inkluderande læringsmiljø
  
• Har gode kommunikasjons- og samarbeidsevner, og byggjer lett relasjonar
• Arbeider sjølvstendig, strukturert og med god gjennomføringskraft
• Er nysgjerrig, løysingsorientert og trivst med utvikling

Det vert lagt stor vekt på personlege eigenskapar for stillinga

Vi tilbyr

• Løn etter kompetanse + eit rekrutteringstillegg på 40 000,- pr år 
• Hjelp til å skaffe bustad dersom det er behov.
• Flyttegodtgjersle etter eige reglement
• Gode pensjons- og forsikringsordningar
• Arbeidstid dagtid, ettermiddag/kveld, samt sporadisk kveld- og helgearbeid ved konsert/arrangement
• Ein arbeidsplass der du får reell påverknadskraft til å utvikle kulturtilbodet, med hovudvekt på barn og unge i alderen 6–16 år.
• Kulturskulen er ein integrert del av eininga Kultur og fritid. Du vil jobbe tett saman med ungdomsarbeidarar, Ung Kultur, frivilligsentral og bibliotek.
• Aktiv deltaking i ungdomsmiljøet: Ein spennande del av stillinga di vil vere å ta del i arbeidet på klubben vår for mellomtrinnet og ungdomsskulen, der du får moglegheit til å byggje gode og trygge relasjonar til dei unge på ein uformell arena.
• Gode fasilitetar med undervisning både på Hovden og i Bykle. Gjennom Bykle Samfunnshus og Hovden Grendehus har vi tilgang til flotte scenar med profesjonelt lyd- og lysutstyr.
• Eit raust og inkluderande fellesskap som heiar på kvarandre! Eit trygt, varmt og godt arbeidsmiljø står øvst på prioriteringslista vår.
• Bedriftsleilighet i Kristiansand
• Nærleik til flott natur og gode fritidstilbod i kommunen.
• Bykle kommune har full barnehage/SFO dekning med inntak heile året.

Kontaktinformasjon

Arbeidssted

Nøkkelinformasjon: