Byggdriftar / vaktmeister – 100 % fast stilling

Om stillingen

Vil du vere med og ta vare på kommunen sine bygg og anlegg?

Hjartdal kommune søkjer ein engasjert og løysingsorientert byggdriftar til vår eigedomsavdeling. Me har ansvar for drift, vedlikehald og utvikling av kommunale bygg og tekniske anlegg, og ser etter ein medarbeidar som vil bidra til trygge, funksjonelle og trivelege bygg for innbyggjarar og tilsette.

Arbeidsoppgåver

Arbeidsoppgåvene vil mellom anna omfatte:

• Dagleg drift og tilsyn med kommunale bygg og eigedomar
• Førebyggjande og planlagt vedlikehald av bygningar og tekniske installasjonar
• Feilsøking og enkle reparasjonar innan byggtekniske fagområde
• Oppfølging av ventilasjon, varme-, kjøle- og energianlegg
• Drift og kontroll av brannvern- og tryggingssystem
• Oppfølging av eksterne leverandørar og handverkarar
• Utandørs vedlikehald, inkludert snørydding, strøing og grøntanlegg
• Bruk av digitale FDV-system og dokumentasjon av utført arbeid
• Andre oppgåver innan eigedomsdrift etter behov

• Montering, utlevering og innhenting av hjelpemiddel

Kvalifikasjonar

Me ønskjer at du har:

• Fagbrev innan byggdriftsfag eller anna relevant fagområde, til dømes elektrikar, røyrleggjar, tømrar eller byggdriftar
• Relevant praksis kan kompensere for manglande formell utdanning

• Erfaring frå drift og vedlikehald av bygg og tekniske anlegg
• God teknisk forståing og interesse for eigedomsforvaltning
• Grunnleggjande digitale ferdigheiter

Det er ein fordel om du har:

• Kompetanse innan SD-anlegg, energioppfølging eller FDV-system
• Erfaring frå kommunal eigedomsdrift

Personlege eigenskapar

Me ser etter deg som:

• Arbeider sjølvstendig og tek ansvar
• Er praktisk, strukturert og løysingsorientert
• Har gode samarbeidsevner
• Er serviceinnstilt og har god kommunikasjonsevne
• Bidreg positivt til arbeidsmiljøet

Personlege eigenskapar vil bli lagde vekt på.

Me tilbyr

• Ei variert og spennande stilling med stor grad av sjølvstende
• Løn etter gjeldande avtaleverk
• Gode pensjons- og forsikringsordningar gjennom KLP

Tilsetjingsvilkår

• Førarkort klasse B. Førarkort klasse BE eller andre relevante sertifikat er ein fordel.
  • Stillinga inneber ikkje fast deltaking i vaktordning. Det må likevel påreknast at det ved behov kan bli aktuelt å delta i eller vikariere i vaktordning knytt til drift og vedlikehald av kommunen sine bygg, vegar og VA-anlegg. Vaktordninga inneber å vere tilgjengeleg utanfor ordinær arbeidstid og rykke ut ved behov for å handtere akutte hendingar, driftsforstyrringar eller andre nødvendige tiltak
  • Ved behov kan arbeidsoppgåver og arbeidsstad endrast innan driftseininga ut frå kommunen sitt til ei kvar tid gjeldande behov, i dialog med den tilsette.

Tilsetjing skjer på dei vilkåra som går fram av lover, forskrifter og gjeldande avtaleverk.