Arealplanleggjar

Om stillingen

Bremanger kommune har ledig 100 % stilling som arealplanleggjar ved driftseininga Plan og forvaltning. Driftseininga har ansvar for plan- og byggjesakshandsaming, geodata, tenester etter matrikkellova, landbruksforvaltning, naturforvaltning/miljø og elles oppfølging av kommunale prosjekt- og planoppgåver.

Det er i dag 7 tilsette ved driftseininga.

Arbeidsoppgåver

• Handsaming av private og offentlege reguleringsplanar
• Utarbeiding av kommunale planar og oppfølging av konsulentar, ved innleige til planarbeid
• Planendringar, og dispensasjonar frå gjeldande planar
• Handsaming av høyringssaker etter energilova, vassressurslova og akvakulturlova
• Forvaltning av digitalt planregister
• Rettleiing av publikum og interne/eksterne aktørar
• Trafikktryggingsarbeid
• Prosjektleiing

Andre relevante arbeidsoppgåver kan komme til.

Ta gjerne kontakt dersom du vil vite meir om stillinga.

Kvalifikasjonar

• Relevant utdanning på høgskule-/universitetsnivå (bachelor/master), t.d som arealplanleggjar eller landskapsplanleggjar
• God kjennskap til plansystemet og relevant lovverk
• Erfaring frå arealplanlegging eller kommunal forvaltning er ein fordel, men nyutdanna med relevant bakgrunn er også velkomne til å søkje
• Gode norskkunnskapar, både skriftleg og munnleg. Administrasjonsspråket er nynorsk
• God kjennskap til relevante GIS-verktøy, og gode IT-kunnskapar
• Førarkort kl. B

Personlege eigenskapar

Du må

• vere strukturert, løysingsorientert, og kunne arbeide både sjølvstendig og i team
• ha gode samarbeidsevner
• kunne forstå og setje deg inn i samansette problemstillingar
• kunne tileigne deg kunnskap og kommunisere godt både skriftleg og munnleg
• trivast med eit høgt tempo og varierte oppgåver
• vere engasjert i faget og i utviklinga av kommunen

Personlege eigenskapar vil bli vektlagt i stillinga.

Vi tilbyr

Bremanger kommune har fleire gode ordningar for deg som ønskjer å busette deg her:

• Hjelp til å finne bustad og barnehageplass
• Gratis barnehage
• Gratis 12 timar SFO i veka for elevar i 1.–3. klasse
• Fritidskortet som sikrar minst eit gratis fritidsstilbod i året for barn og unge mellom 6 og 18 år.
• Rekrutteringstilskot til nytilsette som er/blir folkeregistrert i Bremanger kommune; årleg tilskot på kr. 30 000,- i inntil fem år (totalt kr. 150 000 kroner)
• Bustadtilskot på 200 000 kroner til førstegangsetablerarar under 50 år.

Les meir om ordningane på https://bremanger.kommune.no/rekrutteringstiltak/   

I tillegg får du:

• Eit godt arbeidsmiljø med humor, samhald og høg fagleg kvalitet.
• Gode forsikringsordningar i arbeid og fritid.
• Gode pensjons- og låneordningar gjennom KLP, Kommunal Landspensjon.
• Moglegheit for vidareutdanning og fagleg utvikling, med mogleg kompensasjon.
• Senioravtale for tilsette over 62 år.

Du er velkomen som søkjar til eit godt fagleg og spanande arbeidsmiljø ilag med gode kollegear! 

Kontaktinformasjon

Arbeidsstad

Nøkkelinformasjon: