Vil du bidra til at fleire får moglegheit til å delta i arbeidslivet?

Om stillingen

Vi søkjer to engasjerte og løysingsorientert seniorrådgivarar som vil bli med på å styrke arbeidsinkluderinga i Bergensregionen.

Hos oss får du ei sentral rolle i vidareutviklinga av Nav sine tenester retta mot arbeidsgivarar. Gjennom aktiv kontakt med verksemder skal du bygge sterke relasjonar i næringslivet, løyse rekrutteringsoppdrag og bidra til at fleire arbeidssøkarar kjem i jobb. Du vil fungere som eit bindeledd mellom Nav og arbeidslivet og vere ein viktig samarbeidspartnar for både arbeidsgivarar og kollegaer i Nav-kontora i regionen.

I rolla vil du òg representere Nav på ulike møteplassar og arrangement, dele arbeidsmarknadskompetanse internt og bidra til å styrke Nav si rolle som ein synleg og attraktiv samarbeidspartnar for arbeidsgivarar.

I avdeling for arbeidsinkludering og kvalifisering blir du ein del av eit lag med 15 engasjerte og dedikerte fagpersonar. Saman arbeider vi kvar dag for å gi jobbsøkarar nye moglegheiter i arbeidslivet gjennom inkludering, kvalifisering og samarbeid med arbeidsgivarar i tråd med behova i arbeidsmarknaden.

Hos oss får du arbeide både sjølvstendig og i team, med stor fridom til å forme din eigen arbeidskvardag. Framfor alt får du høve til å gjere ein reell forskjell – for enkeltmenneske, arbeidsgivarar og samfunnet.

Kva går jobben ut på?

• Etablere og styrke relasjonar til arbeidsgivarar og bidra til gode og likeverdige tenester i regionen
• Skape og utvikle samarbeid med arbeidsgivarar for å fremme inkludering av arbeidssøkarar frå Nav sine prioriterte målgrupper
• Bistå arbeidsgivarar med å løyse rekrutteringsoppdrag ved å kople aktuelle kandidatar til ledige stillingar
• Representere Nav i eksterne forum, i møte med næringslivet og mot andre samarbeidspartnarar
• Planlegge og delta på møteplassar for arbeidsgivarar og arbeidssøkarar, som til dømes rekrutteringstreff og jobbmesser
• Vere ein ressursperson og bidra til auka arbeidsmarknadskompetanse internt i Nav-kontora
• Vere pådrivar for å utvikle og styrke arbeidsgivarsamarbeidet saman med Nav-kontora i regionen, kommunen, fylkeskommunen og andre samarbeidspartnarar
• Samarbeide tett og tverrfagleg med kollegaer i avdelinga for å skape moglegheiter for Nav sine prioriterte målgrupper.

Nav er i stadig utvikling, så variasjon og endringar i arbeidsoppgåvene må påreknast.

Kva kompetanse er viktig i denne rolla?

Du må ha

• Fullført utdanning på minimum bachelornivå, gjerne innan fagområde som marknadsføring, HR, økonomi og administrasjon eller samfunnsfag. Relevant erfaring og/eller utdanning kan kompensere for utdanningskravet.
• Erfaring frå arbeid med arbeidsinkludering, rekruttering eller bemanning
• Gode kommunikasjonsevner på norsk, både munnleg og skriftleg
  

Det er ønskeleg at du har

• Erfaring frå samarbeid med næringslivet og forståing for arbeidsgivarar sine behov knytt til bemanning
• Erfaring med utoverretta kommunikasjon og representasjon, til dømes gjennom møte med arbeidsgivarar, nettverksarenaer eller jobbmesser
• God kjennskap til Nav sitt samfunnsoppdrag og tenestetilbod

Kva ser vi etter hos deg?

• Trivst med formidling og kunnskapsdeling
  
• Evne til å engasjere og byggje relasjonar
• Initiativrik og strukturert
• Arbeider godt både sjølvstendig og saman med andre

Kvifor velje oss?

• Moglegheit til å gjere ein forskjell, i ein organisasjon med eit særs viktig  samfunnsoppdrag
• Spennande jobb i eit innovativt arbeidsmiljø, prega av kompetanse og marknadsorientert innstilling
• Opplæring, kurs og kompetanseheving
• Aktive, engasjerte og inkluderande kollegaer i eit godt og utviklingsorientert arbeidsmiljø
• Fleksitidsordning med moglegheit for heimekontor og trening i arbeidstida
• Stilling som seniorrådgivar i stillingskode 1364, med lønnsspenn frå kr. 694 000 til kr. 750 000 pr år. For særleg kvalifiserte søkjarar kan noko høgare løn vurderast. 
• God pensjonsordning, låneordning og forsikringar gjennom Statens pensjonskasse

Les meir om Nav som arbeidsgivar

Kontaktinformasjon

Arbeidssted

Nøkkelinformasjon: