Avdelingsleiar sluttbrukerutstyr

Om stillingen

 Vil du leie eit av dei mest sentrale områda for digital arbeidsflate i spesialisthelsetenesta?

Helse Vest IKT leverer alle IKT-tenester til sjukehusa i Helse Vest og bidreg til at helsepersonell har teknologi som støttar trygg og effektiv pasientbehandling. No søkjer vi ein erfaren leiar til stillinga som avdelingsleiar for Avdeling sluttbrukarutstyr.

Avdelinga har eit sentralt ansvar for å levere og forvalte standardisert IKT-sluttbrukarutstyr til medarbeidarane i helseføretaka, og for å vidareutvikle tenestene knytte til dette. Gjennom sikre, stabile og effektive tenester skal avdelinga bidra til at klinisk og administrativ verksemd har tilgang til moderne arbeidsverktøy som understøttar pasientbehandling og drift.

Vi søkjer ein avdelingsleiar som kan kombinere strategisk forståing med operativ gjennomføring, og som evnar å skape retning, samhandling og resultat. Du vil leie gjennom leiarar og ha ansvar for tenester som dagleg blir nytta av tusenvis av medarbeidarar i regionen. Du får ei sentral rolle i å sikre heilskapleg styring og vidareutvikling av området sluttbrukarutstyr – frå anskaffing og livssyklusforvaltning til utrulling, lokal brukarstøtte og kontinuerleg forbetring.

Vi ønskjer at du i søknaden beskriv kva som motiverer deg for stillinga, og korleis du vil bidra til å vidareutvikle tenestene og organisasjonen til beste for sjukehusa.

Stillinga rapporterer til divisjonsleiar og inngår i leiinga i divisjonen.

Arbeidsstad er Bergen, Stavanger, Haugesund eller Førde.

Arbeidsoppgåver

• Leie, utvikle og forvalte avdelinga sine tenester i tråd med strategi, behov og prioriteringar i helsetenesta.
• Sikre stabile, sikre og framtidsretta leveransar av IKT-sluttbrukarutstyr og lokal brukarstøtte ved sjukehuslokasjonane.
• Omsetje strategiske mål til konkrete prioriteringar, planar og kapasitetsstyring for avdelinga.
• Ha overordna ansvar for anskaffing, lagerstyring, livssyklusforvaltning og standardisering av sluttbrukarutstyr.
• Sikre effektiv forvaltning av klient- og arbeidsflateplattformar, inkludert utrulling, standardisering og kontinuerleg modernisering.
• Følgje opp tenestekvalitet, SLA-ar, risikostyring og kontinuerleg forbetring av tenestene.
• Leie og utvikle underliggjande leiarar og sikre felles retning, struktur, prioriteringar og praksis på tvers av fagmiljø og geografiske lokasjonar.
• Tydeleggjere ansvar, forventningar og grensesnitt mellom seksjonane, og bidra til betre samhandling, heilskapleg prioritering og felles gjennomføring på tvers av avdelinga.
• Sikre godt samarbeid med helseføretak, kliniske miljø, plattform-, drifts- og sikkerheitsmiljø, samt eksterne leverandørar.
• Utøve heilskapleg og forpliktande leiing i tråd med vedtak fatta på selskapsnivå, og sikre etterleving i avdelinga.
• Ha overordna ansvar for økonomi, ressursstyring og personaloppfølging i avdelinga.

Kvalifikasjonar

Du må ha:

• høgare relevant utdanning. Relevant arbeidserfaring og personleg eignaheit kan kompensere for manglande formell utdanning
• leiarerfaring frå komplekse verksemder
• kompetanse innan ITIL-prosessar, hendingshandtering, SLA-oppfølging og kontinuerleg forbetring
• dokumentert evne til å byggje relasjonar, handtere ulike interessentar og skape samarbeid på tvers av organisasjonen
• god forståing for informasjonssikkerheit, personvern og krav til trygg handtering av sluttbrukarutstyr
  

Det er ønskjeleg at du har:

• erfaring med ansvar for leiarar og større fag- eller tenesteområde
• erfaring med anskaffing, lagerstyring og livssyklusforvaltning av standardisert IKT-sluttbrukarutstyr
• god forståing for klient- og arbeidsflateforvaltning, inkludert endpoint-styring, utrulling og standardisering av klientmiljø
• erfaring med å leie tekniske fagmiljø og leiarar med ansvar for fjern- og lokal brukarstøtte i større verksemder
• god forståing for sjukehusa sine behov, avgjerdsprosessar og korleis tenestekvalitet, risikostyring og kontinuerleg forbetring bidreg til trygge og verdiskapande tenester. 

Personlege eigenskapar

Vi ser etter deg som:

• er resultatorientert, set tydelege mål og har sterk gjennomføringsevne
• tek velgrunna avgjerder og står støtt i dei – også når dei er krevjande
• har god forståing for verksemda sitt samfunnsoppdrag og ser tenestene våre som del av ei større heilskap
• evnar å balansere dei strategiske hovudlinjene med dei viktige operasjonelle detaljane
• leier og arbeider konstruktivt også under press, og står støtt når du møter motgang
• er ein lagspelar som gir tillit, og som legg til rette for at medarbeidarar får brukt og utvikla kompetansen sin
• skapar engasjement og trivsel, og har eit stabilt og positivt humør

Vi tilbyr

• Ei sentral leiarstilling der du får ei nøkkelrolle i å forme framtidas digitale helsetenester
• Gode moglegheiter til å påverke kva løysingar som blir utvikla og prioriterte i sjukehusa
• Ein unik sjanse til å byggje opp og vidareutvikle eit strategisk viktig område for Helse Vest IKT
• Ein arbeidskvardag tett på dei viktigaste utfordringane i helsetenesta – der du kan gjere ein reell forskjell
• Eit sterkt og inkluderande fagmiljø med høg kompetanse, stort engasjement og vilje til å lykkast saman
• Tilgang til Helse Vest sine kollektive avtalar og tilbod for tilsette
• Fleksible arbeidsordningar med fleksitid og arbeidsveke på 37,5 timar inkl. lunsj
• Løn etter avtale
• Medlemskap i KLP som sikrar gode pensjonsrettar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Arbeidsstad

Nøkkelinformasjon: